وصلنا للنهايه في هالكورس وهذي ثالث تدوينه مع برنامج الموفي ميكر وموضوعنا اللي رسينا عليه واهوا سنيار.. نسيت اقولكم شنو معنى هالكلمه وهو يعني المركبين اللي يكونون مرافقين بعض بحيث اذا واحد منهم طبع يشيله الثاني..
كانت تجربه حلوه بنفس الوقت صعبه ويبيلها جهد ووقت كبير ، بدون مبالغه التصوير ٣ ايام ويومين مونتاج ويوم نركب الصوت ويوم من ايام المونتاج نقصنا بارتين بي رول رحنا البحر صورنا ، اساس هالشي واللي يحليه اهوا القروب اللي تشتغل معاه ، كنا مضغوطين وكل وحده فاينلات الدنيا عندها بس ضبطنا وقتنا والتقينا وكان تجمعنا في ستاربكس كنيسه يومين ورا بعض من ١٠ الصبح لي ٦ المغرب ..
بين ايدينكم فيديونا اللي اشتغلنا عليه وتعبنا فيه صج ، نوجه شكر حق اعضاء سنيار اللي رحبو فينا وتحملو طلباتنا وعطونا وقتهم اللي نصور ونقابلهم فيه ، انا بصراحه اول مره ادري في فريق كويتي يسوي كل هالاشياء وبتطوع منهم كل واحد يخلص شغله ولا جامعته ولا دراسته وايي يعطي ديرته من وقته ووجهده بدون مقابل احييهم بصراحه ،، ومثل ماقلت لكم هذا فيديونا بين ايدينكم .. واتمنى ينال على اعجابكم . وشكرا شكرا شكرا صديقاتي بالقروب وشكرا لدكتور عيسى اللي تحملنا وايده بهالماده واشكره مره ثانيه لان فتح لنا بوابه يديده ماكنت اعرف عنها شي